Мемлекеттік көрсетілетін қызметтерінің Стандарттары және Регламенттерінің жобалары

«Учаскелік комиссиялар туралы ережені бекіту туралы» Жамбыл облысы әкімдігінің 2013 жылғы 28 қарашадағы № 365 қаулысына өзгерістер мен

толықтырулар енгізу туралы

Қаулы жобасы

Қаулы жобасына түсіндірме жазба

Салыстырмалы кесте 

«Қазақстан  Республикасындағы  жергілікті мемлекеттік басқару және өзін-өзі басқару туралы» Қазақстан Республикасының 2001 жылғы                    23 қаңтардағы Заңына,  «Мемлекеттік  атаулы әлеуметтік көмек туралы»   Қазақстан Республикасының  2001  жылғы  17 шілдедегі  Заңына  және  «Әлеуметтік көмек көрсетудің, оның мөлшерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын  бекіту  туралы»  Қазақстан Республикасы Үкіметінің 2013 жылғы 21 мамырдағы №504 қаулысына сәйкес Жамбыл облысының әкімдігі ҚАУЛЫ ЕТЕДІ:

  1. «Учаскелік комиссиялар туралы ережені бекіту туралы» Жамбыл облысы әкімдігінің 2013 жылғы 28 қарашадағы № 365 қаулысына (Нормативтік құқықтық актілердің мемлекеттік тіркеу тізілімінде № 2108 болып тіркелген, 2014 жылдың 6 ақпанында «Ақ жол» газетінде жарияланған) мынадай өзгерістер мен толықтырулар енгізілсін:

        атауы мынадай редакцияда жазылсын:

«Учаскелік комиссиялар туралы ережені, сонымен қатар өтініш берушінің материалдық жағдайын тексеру қорытындысы бойынша мемлекеттік атаулы әлеуметтік көмекке мұқтаждығын айқындау өлшемшарттарын бекіту туралы»;

1- тармақ мынадай редакцияда жазылсын:

«1. Қоса беріліп отырған:

1) осы қаулыға 1- қосымшаға сәйкес учаскелік комиссиялар туралы ережесі;

2) осы қаулыға 2- қосымшаға сәйкес өтініш берушінің материалдық жағдайын тексеру қорытындысы бойынша мемлекеттік атаулы әлеуметтік көмекке мұқтаждығын айқындау өлшемшарттары бекітілсін.»;

бірінші оң жақтағы жоғарғы бұрышы мынадай  редакцияда жазылсын:

«Жамбыл облысы әкімдігінің 2013 жылғы 28 қарашадағы № 365 қаулысына 1- қосымша»;

көрсетілген қаулымен бекітілген учаскелік комиссиялар туралы ережеде:

4- тармақ мынадай редакцияда жазылсын:

«4. Комиссиялар өз қызметінде Қазақстан Республикасының Конституциясын, Заңдарын, Қазақстан Республикасының Президентінің және Үкіметінің актілерін, Қазақстан Республикасының нормативтік құқықтық актілерін, осы Ережені, сонымен қатар өтініш берушінің материалдық жағдайын тексеру қорытындысы бойынша мемлекеттік атаулы әлеуметтік көмекке мұқтаждығын айқындау өлшемшарттарын басшылыққа алады.»;

6 – тармақтың 4) тармақшасы мынадай редакцияда жазылсын:

«4) ұсынылған құжаттардың және (немесе) тексеру нәтижелерінің негізінде осы қаулының 2 – қосымшасына сәйкес өтініш берушінің материалдық жағдайын тексеру қорытындысы бойынша мемлекеттік атаулы әлеуметтік көмекке мұқтаждығын айқындау өлшемшарттарын ескере отырып Қағидаларға сәйкес көрсетілетін әлеуметтік көмек немесе атаулы әлеуметтік көмек берудің қажеттілігі немесе қажеттіліктің жоқтығы туралы қорытындыны дайындау жатады.»;

7 – тармақ алып тасталсын;

13- тармақ мынадай редакцияда жазылсын:

«13. Комиссия:

Халықты жұмыспен қамту орталығынан немесе кент, ауыл, ауылдық округ әкімінен құжаттарды алған күннен бастап жеті жұмыс күні ішінде ұсынылған құжаттар және (немесе) атаулы әлеуметтік көмек алуға үміткер өтініш берушінің материалдық жағдайын тексерудің нәтижелері негізінде қорытынды дайындап, оны Халықты жұмыспен қамту орталығына немесе кент, ауыл, ауылдық округ әкіміне береді;

құжаттарды алған күннен бастап екі жұмыс күні ішінде өтініш берушіге тексеру жүргізеді, оның нәтижелері бойынша әлеуметтік көмек көрсетуге өтініш білдірген адамның (отбасының) материалдық жағдайы туралы акт жасайды, Қағидаларға сәйкес адамның (отбасының) әлеуметтік көмекке мұқтаждығы туралы немесе мұқтаждығының жоқтығы туралы қорытынды әзірлейді және оларды уәкілетті органға немесе кент, ауыл, ауылдық округтың әкіміне жібереді.»;

осы қаулының қосымшасына сәйкес 2- қосымшамен толықтырылсын.

  1. «Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы» коммуналдық мемлекеттік мекемесі заңнамада белгіленген тәртіппен:

1) осы қаулының әділет органдарында мемлекеттік тіркелуін;

2) осы қаулының Жамбыл облысы әкімдігінің интернет-ресурсында орналастырылуын;

3) осы қаулыдан туындайтын басқа да шаралардың қабылдануын қамтамасыз етсін.

  1. Осы қаулының орындалуын бақылау облыс әкімінің бірінші орынбасары Б.Орынбековке жүктелсін.
  2. Осы қаулы әділет органдарында мемлекеттік тіркелген күннен бастап күшіне енеді және алғашқы ресми жарияланған күннен кейін күнтізбелік он күн өткен соң қолданысқа енгізіледі.

 

           Облыс әкімі                                                             А.Мырзахметов

 

Жамбыл облысы әкімдігінің

2020 жылғы «___» ________

№ ____ қаулысына қосымша

 

Жамбыл облысы әкімдігінің

2013 жылғы «28» қарашадағы

№ 365 қаулысына 2- қосымша

 

Өтініш берушінің материалдық жағдайын тексеру қорытындысы бойынша мемлекеттік атаулы әлеуметтік көмекке мұқтаждығын айқындау өлшемшарттары

  1. Мемлекеттік атаулы әлеуметтік көмекке мұқтаждығын айқындау өлшемшарттары:

1) жан басына шаққандағы орташа табысы кедейлік шегінен аспайтын Қазақстан Республикасы азаматтығы, оралман, босқын, шетелдік және Қазақстан Республикасында тұрақты тұратын, азаматтығы жоқ адам мәртебесінің бар болуы;

2) Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы № 320 бұйрығымен (Нормативтік құқықтық актілердің мемлекеттік тіркеу тізілімінде № 11426 болып тіркелген) бекітілген Мемлекеттік атаулы әлеуметтік көмекті тағайындау және төлеу қағидаларының 7- тармағына сәйкес Халықты жұмыспен қамту орталығымен немесе кент, ауыл, ауылдық округ әкімімен расталған мәліметтердің бар болуы;

3) учаскелік комиссиямен әзірленген өтініш берушінің материалдық жағдайын тексеру қорытындысы бойынша атаулы әлеуметтік көмек беру қажеттігі туралы қорытындының болуы болып табылады.

Өтініш берушіге және (немесе) «Мемлекеттік атаулы әлеуметтік көмек туралы» Қазақстан Республикасы Заңының 4-бабы 1-тармағының талаптарына сәйкес адамдарға атаулы әлеуметтік көмек беруге қажеттіліктің жоқтығы туралы учаскелік комиссиямен қорытынды шығаруға келесі өлшемшарттардың бірі негіз болып табылады:

1) жалпы тиімді көлемі отбасының бір мүшесіне 18 шаршы метрден аспайтын барлық тұрғын үйлерді, сонымен қатар тиісті актілермен расталатын авариялық жағдайдағы тұрғын үйлерді қоспағанда оның (олардың) жеке меншік иелігіндегі біреуден аса тұрғын үйдің бар болуы;

2) оның (олардың) жеке меншігінде, иелігінде және (немесе) қолданысында тұрақты тұрудан басқа табыс алу үшін мақсаттарда қолданылатын жеке жайдың болуы;

3) жергілікті атқарушы органдармен жеке меншікке жер телімін ақысыз түрде беру жағдайын қоспағанда, оның (олардың) жеке меншік тұрғын үйінің бар болуы кезінде оның (олардың) сатып алған жеке тұрғын үй құрылысына арналған жеке меншікте жер телімінің бар болуы;

4) көпбалалы отбасыларды және мүгедек балалар, бірінші және екінші топ мүгедектері бар отбасыларды қоспағанда оның (олардың) жеке меншігінде және (немесе) уақытша иелігінде, қолданысында біреуден астам жеңіл автокөлігі бар болуы;

5) жеке меншігінде және (немесе) уақытша иелігінде, қолданысында техникалық жарамды жағдайда ауыл шаруашылық техникасы және (немесе) автобустың және (немесе) микроавтобустың және (немесе) жүк автокөлігінің және (немесе) троллейбустың және (немесе) арнайы бейімделген және (немесе) арнаулы автомобильдердің және (немесе) теңіз және (немесе) ішкі су және (немесе) әуе көліктерінің бар болуы.

 

 

«Әлеуметтік-еңбек саласындағы мемлекеттік көрсетілетін қызмет

регламенттерін бекіту туралы» Жамбыл облысы әкімдігінің

2015 жылғы 27 шілдедегі № 158 қаулысына өзгерістер мен

толықтырулар енгізу туралы

Қаулы жобасы

Қаулы жобасына түсіндірме жазба

Қосымша

Салыстырмалы кесте

«Қазақстан  Республикасындағы  жергілікті мемлекеттік басқару және өзін-өзі басқару туралы» Қазақстан Республикасының 2001 жылғы                  23 қаңтардағы Заңына және «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңына сәйкес Жамбыл облысының әкімдігі ҚАУЛЫ ЕТЕДІ:

  1. «Әлеуметтік-еңбек саласындағы мемлекеттік көрсетілетін қызмет регламенттерін бекіту туралы» Жамбыл облысы әкімдігінің 2015 жылғы 27 шілдедегі № 158 қаулысына (Нормативтік құқықтық актілердің мемлекеттік тіркеу тізілімінде № 2735 болып тіркелген, 2015 жылдың              8 қыркүйегінде «Ақ жол» газетінде жарияланған) мынадай өзгерістер мен толықтырулар енгізілсін:

        1-тармақта:

11) тармақша мынадай редакцияда жазылсын:

«11) «Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет регламенті;»;

        көрсетілген қаулымен бекітілген «Мемлекеттік атаулы әлеуметтік көмек тағайындау» мемлекеттік көрсетілетін қызмет регламентінде:

5 – тармақтың 2) тармақшасы мынадай редакцияда жазылсын:

«2) көрсетілетін қызметті берушінің жауапты орындаушысы учаскелік комиссияға зерттеуге және қорытынды дайындау үшін құжаттарды жолдайды – 2 (екі) жұмыс күні ішінде;»;

5 – тармақтың 3) тармақшасы мынадай редакцияда жазылсын:

«3) учаскелік комиссия зерттейді және материалдық тұрмыс жағдайы туралы нәтижені көрсетілетін қызметті берушінің жауапты орындаушысына жолдайды – 4 (төрт) жұмыс күні ішінде;»;

8 – тармақтың 2) тармақшасы мынадай редакцияда жазылсын:

«2) көрсетілетін қызметті берушінің жауапты орындаушысы учаскелік комиссияға зерттеуге және қорытынды дайындау үшін құжаттарды жолдайды – 2 (екі) жұмыс күні ішінде;»;

8 – тармақтың 3) тармақшасы мынадай редакцияда жазылсын:

«3) учаскелік комиссия зерттейді және материалдық тұрмыс жағдайы туралы нәтижені көрсетілетін қызметті берушінің жауапты орындаушысына жолдайды – 4 (төрт) жұмыс күні ішінде;»;

9 – тармақтың 3) тармақшасы мынадай редакцияда жазылсын:

«3) көрсетілетін қызметті берушінің жауапты орындаушысы учаскелік комиссияға зерттеуге және қорытынды дайындау үшін құжаттарды жолдайды – 2 (екі) жұмыс күні ішінде;»;

9 – тармақтың 4) тармақшасы мынадай редакцияда жазылсын:

«4) учаскелік комиссия зерттейді және материалдық тұрмыс жағдайы туралы нәтижені көрсетілетін қызметті берушінің жауапты орындаушысына жолдайды – 4 (төрт) жұмыс күні ішінде;»;

10 – тармақтың 2) тармақшасы мынадай редакцияда жазылсын:

«2) ауылдық округ әкімі аппаратының маманы учаскелік комиссияға зертеуге және қортындыны дайындау үшін құжаттарды жолдайды – 2 (екі) жұмыс күні ішінде;»;

10 – тармақтың 3) тармақшасы мынадай редакцияда жазылсын:

«3) учаскелік комиссия зерттейді және өтініш берушінің материалдық тұрмыс жағдайы туралы нәтижені ауылдық округ әкімі аппаратының маманына жолдайды – 4 (төрт) жұмыс күні ішінде;»;

10 – тармақтың 7) тармақшасы мынадай редакцияда жазылсын:

«7) көрсетілетін қызметті берушінің жауапты орындаушысы ауылдық округ әкімі аппаратына қағаз түрінде тағайындау (тағайындаудан бас тарту) туралы қол қойылған хабарламаны – 2 (екі) жұмыс күні ішінде жібереді;»;

11 – тармақ мынадай редакцияда жазылсын:

«11. Мемлекеттік қызмет көрсету процесінде рәсімдердің (іс-қимылдардың) ретін, көрсетілетін қызметті берушінің құрылымдық бөлімшелерінің (қызметкерлерінің) өзара іс-қимылдарының толық сипаттамасы, сондай-ақ өзге көрсетілетін қызметті берушілердің өзара іс-қимыл тәртібінің және мемлекеттік қызмет көрсету процесінде ақпараттық жүйелерді қолдану тәртібінің сипаттамасы осы регламенттің 6, 7 – қосымшаларына сәйкес мемлекеттік қызмет көрсетудің бизнес-процестерінің анықтамалығында көрсетіледі.

Мемлекеттік қызмет көрсетудің бизнес-процестері анықтамалығы көрсетілетін қызметті берушінің (http://ukzsp.zhambyl.gov.kz) және Жамбыл облысы әкімдігінің (http://zhambyl.gov.kz) интернет-ресурсында орналастырылады.»;

4 және 5 – қосымшалары алып тасталсын;

осы қаулыға 1 және 2 қосымшаларға сәйкес 6 және 7 – қосымшалармен толықтырылсын;

         көрсетілген қаулымен бекітілген «Тиісті әкімшілік-аумақтық бірліктің аумағында немесе корпоративішілік ауыстыру шеңберінде еңбек қызметін жүзеге асыру үшін жұмыс берушілерге шетелдік жұмыс күшін тартуға рұқсат беру және ұзарту» мемлекеттік көрсетілетін қызмет регламентінде:

тақырыбы мынадай редакцияда жазылсын:

«Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет регламенті»;

1- тармақ мынадай редакцияда жазылсын:

«1. «Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызметі (бұдан әрі – мемлекеттік көрсетілетін қызмет) «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі  № 279 бұйрығымен бекітілген «Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет стандартына сәйкес (Нормативтік құқықтық актілерді мемлекеттік тіркеу тізілімінде № 11342 болып тіркелген) (бұдан әрі – стандарт) «Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы» коммуналдық мемлекеттік мекемесімен (бұдан әрі – көрсетілетін қызметті беруші) көрсетіледі.

Көрсетілетін қызметті алушыдан (жұмыс берушіден) өтінішті қабылдау және мемлекеттік қызметті көрсету нәтижесін беру:

1) көрсетілетін қызметті берушінің кеңсесі;

2) www.egov.kz, www.elicense.kz «электрондық үкімет», веб-порталы (бұдан әрі – портал) арқылы жүзеге асырылады.»;

3- тармақ мынадай редакцияда жазылсын:

«3. Мемлекеттік қызметті көрсету нәтижесі:

стандартқа 1-қосымшаға сәйкес нысан бойынша жұмыс берушілерге  шетелдік жұмыс күшін тартуға берілген рұқсат, қайта рәсімделген және ұзартылған рұқсат (бұдан әрі – шетелдік жұмыс күшін тартуға рұқсат) не стандарттың 10-тармағында көзделген негіздер бойынша мемлекеттік қызметті көрсетуден бас тарту туралы уәждемелі жауап.

Мемлекеттік қызметті көрсетудің нәтижесін беру нысаны – электрондық және (немесе) қағаз түрінде.»;

1-қосымшаның оң жақтағы жоғарғы бұрышы мынадай редакцияда жазылсын:

«Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет регламентіне 1- қосымша»;

2-қосымшаның оң жақтағы жоғарғы бұрышы мынадай редакцияда жазылсын:

«Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет регламентіне 2- қосымша»;

3-қосымшаның оң жақтағы жоғарғы бұрышы мынадай редакцияда жазылсын:

«Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет регламентіне 3- қосымша»;

4-қосымшаның оң жақтағы жоғарғы бұрышы мынадай редакцияда жазылсын:

«Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет регламентіне 4- қосымша»;

5-қосымшаның оң жақтағы жоғарғы бұрышы мынадай редакцияда жазылсын:

«Жұмыс берушілерге шетелдік жұмыс күшін тартуға рұқсат беру және (немесе) ұзарту» мемлекеттік көрсетілетін қызмет регламентіне 5-қосымша».

  1. «Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы» коммуналдық мемлекеттік мекемесі заңнамада белгіленген тәртіппен:

1) осы қаулының әділет органдарында мемлекеттік тіркелуін;

2) осы қаулының мемлекеттік тіркеуден өткеннен кейін он күнтізбелік күн ішінде оны ресми жариялауға жіберуді;

3) осы қаулының Жамбыл облысы әкімдігінің интернет-ресурсында орналастырылуын;

4) осы қаулыдан туындайтын басқа да шаралардың қабылдануын қамтамасыз етсін.

  1. Осы қаулының орындалуын бақылау облыс әкімінің бірінші орынбасары Б.Орынбековке жүктелсін.
  2. Осы қаулы әділет органдарында мемлекеттік тіркелген күннен бастап күшіне енеді және алғашқы ресми жарияланған күннен кейін күнтізбелік он күн өткен соң қолданысқа енгізіледі.

 

             Облыс әкімі                                                                А.Мырзахметов

 

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған